Bog‘chadagi fojia: ikki yashar qizaloq ikkinchi qavatdan tushib ketdi (video)

Qozog‘istonning Toldiqo‘rg‘on shahridagi bolalar bog‘chasida ikki yashar qizaloq ikkinchi qavatdan tushib ketdi. Hodisa 15 may kuni sodir bo‘ldi va videokameralarda muhrlandi.

Ma’lumotlarga ko‘ra, bog‘cha tarbiyachisi bolalarni ikkinchi qavat derazasi oldiga to‘rg‘azib qo‘ygan. Shunda ikki yashar qizcha orqaga suyangan va muvozanatini yo‘qotib, pastga qulagan.

Qizaloq juda jiddiy jarohatlar olgan. Ayni damda u komadan chiqqan, lekin jonlantirish bo‘limida qolgan. Mazkur holat bo‘yicha jinoiy ish ochilgan.