«Barselona» Mbappe uchun kurashga qo‘shildi

«Barselona» «PSJ» futbolchisi Kilian Mbappeni o‘z tarkibiga qo‘shib olishga urinib ko‘radi.

Fransiyaning «L'Equipe» nashri xabariga ko‘ra, 23 yoshli futbolchining o‘zi ham kataloniyaliklar taklifini darhol rad etmoqchi emas. U «Barselona» taklifini ham ko‘rib chiqishga tayyor. Ammo baribir Mbappeni «Real» taklifi ko‘proq qiziqtirmoqda.

Manbaga ko‘ra, «ko‘k-anorranglilar» Mbappeni jamoaga olib kelish Holandni transfer qilishdan arzonroqqa tushishiga ishonmoqda. Shuningdek, «Barsa»ning yangi hamkorlari «Spotify» va «Goldman Sachs» klubning ushbu transfer borasidagi harakatlarini qo‘llab-quvvatlashga tayyor.

Avvalroq, Kilianning «Real» bilan allaqachon shartnoma imzolab bo‘lgani haqidagi xabarlar chiqqandi.