Barcha hokimlar, “kattakon”lar o‘qisin!
Jahongir Ortiqxo‘jayev qachon “O‘zbekiston – kelajagi buyuk davlat” bo‘lishini ko‘rsatib qo‘ydi. Toshkent shahri hokimi Jahongir Ortiqxo‘jayev korrupsiya borasida barchani ogohlantirdi:
«Hokimliklar, ayyor o‘yinlar qilishni bas qiling! Yana bir bor ogohlantiraman. Yer berilishi shaffof va korrupsiyasiz bo‘lishi kerak. Menga va komandamga pora kerakmas. Yoki Prezidentimizni tushunib, yelkama-elka yonida turib, katta maqsadimizga birga erishamiz, xalqni rozi qilamiz, yorqin kelajagimizni yaratamiz yoki yo‘q bo‘lamiz».
Qonunchilik palatasi deputati Alisher Qodirov shahar hokimini barchaga o‘rnak qilib ko‘rsatdi:
«Har bir rahbar shunday fikrlasa, bizni hech kim to‘xtatolmaydi!»
Biz nima derdik, deputat va hokimning so‘zalaridan so‘z yasaymiz:
− Har bir rahbar shunday fikrlamasa – yo‘q bo‘lsin!
Barcha hokimlarga murojaat qilmoqchiman, qani nechta hokim Jahongir Ortiqxo‘jayevdek mard bo‘lib, mana shu so‘zlarni ayta oladi:
− Menga va komandamga pora kerak emas!
Karimberdi To‘ramurod,
Fayzbog.uz
