Asakada mudhish qotillik: Nabira o‘z buvisining umriga zomin bo‘ldi

Joriy yilning 31 oktyabr kuni Andijon viloyatining Asaka tumanida qotillik yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, shu tumanda yashovchi I.N. uyida o‘zaro janjal sabab birga yashagan 82 yoshli buvisi T.J.ning yuziga qo‘li bilan urib jarohat yetkazishi natijasida buvisi voqea joyida vafot etgan.

I.N. ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.