Фарғонада 137 000 000 сўм пулларни ўзлаштирган шахсга жиноят иши қўзғатилди

Фарғона. 2019 йилнинг ноябрь ойида 43 ёшли О.Ю. Фирибгарлик йўли билан таниши 33 ёшли И.К. билан Фарғона шаҳар Аэропорт кўчасида учрашиб, “Бекобод-Цемент” АЖдан цемент маҳсулотларини арзон нархда олиб беришни ёлғондан айтиб, жами 137.000.000 сўм пулларини фирибгарлик йўли билан қўлга киритиб, шахсий эҳтиёжлари учун сарфлаб юборган.

Мазкур ҳолат юзасидан Фарғона шаҳар ИИО ФМБ ҳузуридаги Тергов бўлими томонидан О.Ю., га нисбатан Ўзбекистон Республикаси Жиноят кодексининг 168-моддаси 4-қисми “а” банди (жуда кўп миқдорда фирибгарлик) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.