Туркияда икки кишини ўлдиришда гумонланувчи Германияда қўлга олинди

Германия ҳуқуқ-тартибот идоралари ходимлари 2023 йил ноябрида Туркияда икки кишини ўлдирганликда гумон қилинган Литва фуқаросини қўлга олди.

Bayerischer Rundfunk телекомпаниясининг маълум қилишича, қўлга олинган шахс 47 ёшда. У ўтган йилнинг ноябрь ойидан бери қочиб юрган. Эркак Прагадан Мюнхенга кетаётган автобусда топилган.

РИА Новости хабарига кўра, қўлга олинган шахснинг тавсифи Туркиянинг Бодрум шаҳрида она ва қизни ўлдиришда гумонланаётган Литва фуқароси Андрей Куслевичга мос келади. Россияда унга нисбатан жиноий иш очилган.