Xorazmda yuz bergan yong‘inda uy egasining nabirasi halok bo‘ldi

Shu yil 31 oktyabr kuni Xorazm viloyatining Xiva tumanida yashovchi B.B.ning uyida yong‘in sodir bo‘lgan. 

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, ko‘rilgan choralar natijasida yong‘in o‘chirilgan. 

Yong‘in oqibatida uyining 70 kv.m. maydonida tom bostirmasi va uy jihozlari yonib zarar ko‘rgan hamda B.B.ning birga yashagan nabirasi S.B. kuyish jarohati olib, voqea joyida vafot etgan.

Surishtiruv ishlari olib borilmoqda.