Xivada tadbirkorga to‘lov talabnomani yo‘q qilib berishni va’da qilgan firibgar ushlandi

Bosh prokuratura huzuridagi Departamentning Xiva tuman bo‘limi tomonidan tadbirkorlik sub’ektlarining huquqlarini himoya qilish yuzasidan o‘tkazilgan tezkor tadbirda, Xiva tumani yo‘llardan foydalanish unitar korxonasi yuriskonsulti B.A., “G” MCHJ bilan korxona o‘rtasida tuzilgan shartnoma bo‘yicha avans tariqasida o‘tkazilgan 200 mln so‘mga “G” MCHJ tomonidan ishlar bajarilmaganligi sababli hisob raqamiga qo‘yilgan to‘lov talabnomasini tanishlari orqali tegishli ma’lumotnoma berib bekor qildirib berish evaziga MCHJ rahbaridan 2 500 AQSh dollarini firibgarlik yo‘li bilan olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.