Ukraina rus dronlari tufayli Abrams tanklarini frontdan ortga qaytardi — Associated Press

Nashrning manbalariga ko‘ra, Ukraina Qurolli kuchlarining Abrams tanklarini front chizig‘ida qo‘llashni to‘xtatishiga sabab Rossiya dronlarining mazkur tanklarni aniqlashi va ularga hujum qilish ancha osonlashganligi hisoblanadi.

"Qo‘shma Shtatlar 2023 yilning yanvarida Ukrainaga 31 ta Abrams tanklarini yetkazib bergan. Ammo o‘shandan beri urush taktikasi o‘zgardi, bu Rossiya armiyasining dronlardan keng foydalanishi bilan bog‘liq. Bu Ukraina uchun tanklarni dron hujumlaridan himoya qilishning qiyinlashishiga olib keldi", deb yozadi Associated Press.