«Robocop» Toshkent ko‘chalarida patrullik qila boshladi
Toshkentda jamoat tartibini nazorat qiluvchi robot test rejimida ishlay boshladi.
Yo‘l harakati xavfsizligi inspeksiyasi Podrobno.uz muxbiriga ma’lum qilishicha, robot profilaktika bo‘yicha inspektor yordamchisi vazifasini bajaradi.
U shahar va qishloq joylarda jinoyatchilikning oldini olish maqsadida ishlab chiqilgan. To‘rt g‘ildirakli yordamchi GPS tizimi, yozib olish funksiyasiga ega yuqori aniqlikdagi 180 va 360 darajali kameralar bilan jihozlangan. Mayoq qoidabuzarliklar haqida ogohlantirish uchun mo‘ljallangan.
Mashina barcha turdagi huquqbuzarliklarni, hatto axlatni noto‘g‘ri joyga tashlashni ham yozib olishi mumkin. Ular haqidagi ma’lumotlar profilaktika inspektorining planshetiga yuboriladi.
Eslatib o‘tamiz, robot ishlab chiqarish bo‘yicha yetakchi NUWA Robotics kompaniyasi O‘zbekistonda o‘z vakolatxonasini ochishni rejalashtirmoqda.