Uels malikasi Ketrin saraton kasalligiga qarshi davolash tugaganini e’lon qildi

Britaniya taxti vorisi rafiqasi, Uels malikasi Ketrin (Middlton) saraton kasalligini davolashni yakunlaganini ma’lum qildi.

Bu haqda u X ijtimoiy tarmog‘ida yozgan.

"Hozir... Nihoyat kimyoterapiyani tugatganimdan naqadar yengillashganimni so‘z bilan ifodalab berolmayman. So‘nggi to‘qqiz oy bizning oilamiz uchun nihoyatda og‘ir vaqt bo‘ldi. Endi mening asosiy e’tiborim saraton kasalligidan iloji boricha uzoqroq qolishga qaratilgan. Men kimyoterapiyani tugatgan bo‘lsam ham, mening tiklanish va to‘liq tiklanish yo‘lim uzoq va men hozirda yashash niyatidaman", - dedi malika Ketrin.

Eslatib o‘tamiz, shu yilning yanvar oyida Ketrin Middlton qorin bo‘shlig‘ida og‘ir jarrohlik amaliyotini o‘tkazgani haqida xabar bergan edi. Mart oyida shifokorlar malikaning tanasida saraton hujayralarini aniqlagani va u profilaktik kimyoterapiyadan o‘tishi kerakligi ma’lum bo‘ldi.