Bolani ovqatlantirish uchun qo‘shimcha tanaffus berilishi haqida bilarmidingiz?
Xodimlarga ish kuni davomida orada dam olish va ovqatlanish uchun tanaffus (ya’ni "obed") beriladi.
2 yoshga to‘lmagan bolasi bor ishlayotgan onalar odatdagi “obed” vaqtidan tashqari, bolani ovqatlantirish uchun qo‘shimcha tanaffus olishga haqli.
Mehnat kodeksining 407-moddasiga ko‘ra 2 yoshga to‘lmagan bolasi bor onalar “obed”dan tashqari bolasini ovqatlantirish uchun har 3 soatda 30 daqiqadan kam bo‘lmagan qo‘shimcha tanaffus olishlari mumkin. Bu tanaffus xodimning istagiga ko‘ra ish kuni boshi yoki oxirida ham berilishi mumkin.
Masalan, 2 yoshga to‘lmagan bolasi bor onalar ariza yozib, bolani ovqatlantirish uchun 12:30 dan 13:00 gacha va 17:30 dan 18:00 gacha har biriga yarim soatdan qo‘shimcha tanaffus olishi mumkin.
Bu tanaffuslarning aniq muddati va ularni berish tartibi jamoa shartnomasida, agar u tuzilmagan bo‘lsa, — ish beruvchi va kasaba uyushmasi qo‘mitasi yoki xodimlarning boshqa vakillik organi bilan kelishib belgilab qo‘yiladi.