2025 yildan boshlab Moskva viloyatida migrantlarning ishlashi cheklanadi
Moskva viloyati hukumati 2025 yil 1 yanvardan boshlab sog‘liqni saqlash, ta’lim, madaniyat, sport, dam olish, alkogol va tamaki savdosi, shuningdek, ko‘cha taomlari kabi sohalarda patentga ega bo‘lgan xorijliklarni ishga olishni taqiqlaydi. Bu haqda viloyat hokimligi va hokimlik matbuot xizmati xabar berdi.
Ayni paytda viloyatda alkogol, tamaki va pivo sotiladigan chakana savdo do‘konlarida patentga ega bo‘lgan migrantlarni ishga olishda 15 foizlik cheklov qabul qilingan. Biroq viloyat hukumati bu choralar yetarli emas, deb hisoblaydi.
«Uch yil davomida bizda xorijiy ishchi kuchi bilan bog‘liq savdo shikoyatlari sezilarli darajada oshdi, biz patentlar bo‘yicha ishlashni to‘liq taqiqlagan 22 mintaqaga qo‘shilishni xohlaymiz», dedi Moskva viloyati hukumati raisining o‘rinbosari Natalya Maslenkina.
Uning qo‘shimcha qilishicha, cheklovlar kiritilgandan so‘ng hozirda yuqorida qayd etilgan sohalarda patent bo‘yicha ishlayotgan 5,6 mingga yaqin odamni almashtirish kerak bo‘ladi.
