Germaniya chegara nazoratini tikladi

Germaniya chegaralarida selektiv pasport nazorati joriy etildi: yangi chegara rejimi kamida olti oy davomida amal qiladi. Germaniya polisiyasi Fransiya, Niderlandiya, Shveysariya va boshqa olti davlatdan kelgan mehmonlarni, ya’ni Germaniya bilan chegaradosh barcha to‘qqiz davlatdan kelgan mehmonlarni tekshirmoqda. Yevropa Ittifoqi rasmiylari Berlinni ittifoq doirasida erkin harakatlanish bo‘yicha Shengen kelishuvini buzganlikda ayblamoqda.

Shengenning vaqtinchalik to‘xtatilishi qabul qilinadi, ammo oxirgi chora sifatida - Bryussel bunga hali asos yo‘q deb hisoblaydi. Bundeskabinet, o‘z navbatida, chegara nazorati noqonuniy migrasiyaga qarshi kurash yo‘li ekanini ta’kidlaydi. Bu muammo bugungi Germaniyada keskinlashdi. Migrasiya inqirozi mamlakatdagi mintaqaviy saylovlarda birin-ketin g‘alaba qozonayotgan o‘ng qanot kuchlar nufuzining keskin oshishiga olib keldi. "Germaniya uchun muqobil" partiyasi allaqachon ikki shtatda zafarli g‘alaba qozongan va uchinchisida g‘alaba qozonishga hozirlik ko‘rmoqda: Brandenburgda saylovlar 22 sentyabr, yakshanba kuni bo‘lib o‘tadi.