Moskvada haydovchi piyodalar o‘tish joyida bolalarni bosib ketdi

Moskva shimoli-g‘arbidagi piyodalar o‘tish joyida avtomobil haydovchisi bolalarni bosib ketdi, bir bola halok bo‘ldi. Bu haqda poytaxt Davlat yo‘l inspeksiyasi o‘zining Telegram-kanalida ma’lum qildi .

«Planernaya ko‘chasi, 9-uy yaqinida Toyota mashinasi haydovchisi boshqariladigan piyodalar o‘tish joyida bir o‘g‘il va qizni urib yubordi. Yo‘l-transport hodisasi natijasida 13 yoshli bola voqea joyida vafot etgan, qiz og‘ir ahvolda kasalxonaga yotqizilgan», — deyiladi boshqarmada.

Qayd etilishicha, YPX xodimlari va tergovchilar YTHning barcha holatlarini aniqlamoqda. Poytaxt Tergov qo‘mitasi hodisa yuzasidan jinoiy ish qo‘zg‘atilganini ma’lum qildi, haydovchi qo‘lga olindi.