Soliq qo‘mitasi raisi nomiga soxta akkaunt Londonda ochilgani ma’lum bo‘ldi

Davlat Soliq qo‘mitasi Facebook dan qo‘mita raisi nomidan ochilgan soxta akkauntni yopishni so‘radi, deb xabar qilmoqda muassasa matbuot xizmati

O‘zbekiston Davlat Soliq qo‘mitasi raisi Bexzod Musayev nomidan Facebook da ochilgan soxta akkauntlarni o‘rganish davomida, uni qayd etishda Buyuk Britaniya poytaxti Londonda joylashgan telefon raqamlari ko‘rsatilgani ma’lum bo‘ldi. Ushbu vaziyat tufayli, DSQ rahbariyati Facebook ka murojaat qilib, ularning sha’niga dog‘ tushirayotgan soxta akkauntlarni yopishni so‘radi, deyiladi xabarda.