Saratondan aziyat chekkan o‘zbekistonlik futbolchi vafot etdi

Samarqandning Dinamo futbol klubi sobiq futbolchisi Sirojiddin Sayfiyev 37 yoshida hayotdan ko‘z yumdi.

Sirojiddin Sayfiyev uzoq vaqtlardan buyon o‘pka saraton kasalligi bilan og‘rib kelayotgandi. 2016 yilda saraton o‘simtasi uning bosh qismida ham aniqlanadi.

Bir necha marotaba turli nashrlarda uning sog‘lig‘ini yaxshilash va davolanishiga ko‘maklashish maqsadida Taslim bo‘lma, Siroj , Biz sen bilan Siroj kabi aksiyalar tashkil qilingandi.Tahririyatimiz marhumning oila a’zolariga chuqur hamdardlik bildiradi!