Ukraina Yevropa Kengashining Inson huquqlari bo‘yicha konvensiyasiga rioya etilishini ko‘rib chiqdi

Ukraina harbiy holat davrida Inson huquqlari bo‘yicha Yevropa konvensiyasi va Fuqarolik va siyosiy huquqlar to‘g‘risidagi xalqaro pakt bo‘yicha o‘z majburiyatlarini bajarishdan voz kechish parametrlarini qayta ko‘rib chiqdi.

Tegishli hujjat Yevropa Kengashi saytida e’lon qilindi.

Qayd etilishicha, cheklovlar Ukraina Konstitusiyasining uy-joy daxlsizligi, yozishmalar siri, shaxsiy va oilaviy hayotga aralashmaslik haqidagi moddalariga nisbatan qo‘llaniladi.

Bundan tashqari, ular harakat erkinligi, fikr va so‘z erkinligi huquqi va boshqa bir qator moddalarga tegishli.