Krokusdagi teraktga aloqadorlikda gumon qilinib hibsga olingan 12-shahsning ukasi ham hibsga olindi

Crocus City Hall'dagi terakt bo‘yicha yaqinda nafaqat Jumoxon Qurbonov, balki uning ukasi Suxrob Qurbonov ham hibsga olindi, deb yozadi «RIA Novosti» aka-uka yashagan yotoqxona xodimiga tayanib.

Hibsga olinganidan keyin Suxrob yotoqxonaga qaytib kelmadi.

Tergov ma’lumotlariga ko‘ra, Jumoxon Qurbonov teraktda ayblanayotganlarni aloqa vositalari va hisob-kitoblarni to‘lash uchun pul bilan ta’minlagan. Uning Krokusdagi teraktga aloqadorligi haqida boshqa tafsilotlar yo‘q.

Suxrob avvalroq mayda bezorilik uchun jinoiy javobgarlikka tortilgan, biroq hozircha unga teraktga aloqadorlikda ayblanayotgani aniq emas.