Rossiyada niqobni taqiqlash to‘g‘risida qonun loyihasi muhokamaga qo‘yildi

Tegishli qonun loyihasi allaqachon parlament quyi palatasiga “Yangi xalq” partiyasi a’zosi Vladislav Davankov tomonidan kiritilgan, deb xabar bermoqda Baza telegram kanali.

O‘zgartirishlar mamlakat hududlari va ta’lim muassasalari rahbarlarining shaxsning yuzini ko‘rinmas holga keltiruvchi kiyim kiyish joizligini o‘zlari aniqlash imkoniyatiga ega bo‘lishini nazarda tutadi.

Loyihada davlatning dunyoviyligi, fuqarolarning huquq va erkinliklarini din tomonidan cheklash, jamoat joylarida ehtimoliy tahdidlar, shuningdek, huquq va erkinliklarni cheklash imkoniyatini istisno qiluvchi moddasiga qo‘shimcha qilinadi.

Deputatlar, shuningdek, ayrim hududlarda kuzatilayotgan terrorchilik xavfi yuqoriligiga e’tibor qaratib, jamoat joylarida kuzatuv kameralaridan odamning yuzini aniqlashni qiyinlashtiradigan kiyim kiyishga yo‘l qo‘yilmaydi, degan xulosaga kelishdi.

Qonun loyihasi mualliflari, shuningdek, boshqa mamlakatlarda – Xitoy, O‘zbekiston, Qozog‘iston va boshqa bir qator musulmon va musulmon bo‘lmagan mamlakatlarda bunday kiyim kiyish taqiqlanganini ham eslatib o‘tishdi.

Ta’kidlanishicha, joylar va ta’lim muassasalari jamoat tartibini saqlash maqsadida “jamoat joylarida niqob va hijob kiyish qonuniy ravishda taqiqlanadi.”

Shu bilan birga, ular ushbu qonun loyihasi "ta’limning dunyoviy xususiyatini mustahkamlashga imkon beradi" degan fikrni ilgari surgan.

Avvalroq Rossiya hukumati diniy kiyimni himoya qilib chiqqan edi.