G‘azoda Isroil armiyasi va HAMAS o‘rtasida to‘qnashuvlar sodir bo‘ldi

G‘azo shahrining Shejaya hududida isroillik harbiylar va Falastinning HAMAS harakati jangchilari o‘rtasida to‘qnashuvlar ro‘y berdi.

Qatarning Al Jazeera telekanali xabariga ko‘ra, Isroil qo‘shinlari aholi turar joylariga hujum qilishda davom etmoqda, ularga ko‘ra, harbiy salohiyatini tiklashga urinayotgan qolgan HAMAS batalyonlarini ta’qib qilmoqda. Hudud kuchli bombardimonlarga uchradi, o‘nlab falastinliklar halok bo‘ldi. Bunga javoban Falastinning qurolli qarshilik jangchilari Isroil askarlariga pistirma uyushtirib, ularga tankga qarshi raketalar bilan hujum qilmoqda, deb yozadi telekanal.