Rossiya Indoneziya bilan palma yog‘i evaziga Cu-45 yetkazib berish bo‘yicha kelishuvni qayta tiklashga tayyor

Rossiyaning Indoneziyadagi elchixonasi harbiy attashesi Maksim Lukyanov Moskva Jakarta bilan Rossiyaning Su-35 qiruvchi samolyotlarini sotib olish bo‘yicha muzokaralarni qayta boshlashga tayyorligini ma’lum qildi, deb xabar bermoqda Indoneziyaning Tempo portali.

«Agar Indoneziya yana Su-35 samolyotlarini sotib olmoqchi bo‘lsa... Indoneziyaga yetkazib berishga tayyormiz, albatta, agar Jakarta tomonidan istak bo‘lsa. Biz bu borada muzokaralar olib borishga tayyormiz», — dedi Lukyanov brifingda.

1,14 milliard dollarlik kelishuv 2019 yilda muhokama qilina boshlagan, biroq u hech qachon amalga oshmagan. Mamlakat Mudofaa vazirligi Rossiyaga kauchuk va palma yog‘i yetkazib berish evaziga 11 ta Su-35 qiruvchi samolyotini sotib olishni rejalashtirgan edi. Mamlakatning sobiq mudofaa vaziri Ryamizard Ryakudu shartnoma imzolangani haqida xabar bergan, biroq Indoneziya Savdo vazirligi kelishuvni to‘xtatgan.