Qozog‘istonda bir kun ichida 3 ta yer silkinishi yuz berdi
Qozog‘istonning Olmaota viloyatida 18 avgustda 3 ta yer silkinishi qayd etildi. Bu haqda Qozog‘iston seysmologik tajriba-metodik ekspedisiyasi saytida ma’lum qilindi.
Er silkinishlardan birinchisi soat 5:07 da Olmaotadan 145 km uzoqlikda yuz bergan va magnitudasi 5,4 ballni tashkil qilgan. Uning o‘chog‘i 5 km chuqurlikda bo‘lgan. Shuningdek, soat 6:38da Olmaotadan 250 km shimolda 4,6 magnitudali ikkinchi yer silkinishi qayd etilgan. Uning o‘chog‘i 10 km chuqurlikda bo‘lgan.
Uchinchi yer silkinishi Olmaotadan 78 km shimolda qayd qilinib, magnitudasi 4,9 ballni tashkil qilgan. Uning o‘chog‘i 20 m chuqurlikda joylashgan.
Er silkinishlari oqibatida jabrlanganlar va talofatlar haqida xabar berilmagan. Olmaota viloyati va Jarkent shahri favqulodda vaziyatlar departamentlarida tezkor shtablar va “qaynoq telefon liniyalari” tashkil etilgan.