Qoraqalpog‘istondagi bog‘cha rahbarlariga jinoiy ish ochildi
Beruniy tumanidagi 16-bog‘chaning mansabdor shaxslariga nisbatan jinoiy ish qo‘zg‘atilgan.
Mansabdor shaxslar o‘z xizmat mavqeidan foydalanib, hujjatlarni qalbakilashtirish yo‘li bilan juda ko‘p miqdordagi ish haqlarini o‘zlashtirish va rastrata qilish yo‘li bilan talon-toroj qilgan.
Bu bo‘yicha ijtimoiy tarmoqlarda xabar tarqalgan. Prokuratura shu xabar yuzasidan tekshiruv o‘tkazgan.
16-bog‘cha mansabdor shaxslariga nisbatan Jinoyat kodeksining 167-moddasi 3-qismi “a” bandi va 209-moddasi 2-qismi “a” bandi bilan jinoyat ishi qo‘zg‘atilib, tergov harakatlari o‘tkazilmoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)