Qarshida qimorga xumor shovvozlar qo‘lga olindi

Tavakkalchilik va qimorga asoslangan o‘yinlar odamni doim kulfatga boshlaydi. Negaki, birovni sarmoyasini aldab yutib olish qonunda ham, dinda ham qoralanadi.

Jumladan, Qarshi tumani «Potron» mahallasida yashovchi fuqarolar E.S., F.F., S.A. va J.B.lar mahalla hududida joylashgan choyxonada pul tikib tavakkalchilikka asoslangan qimor o‘ynayotganligi holati Qarshi tumani IIB MHTM profilaktika inspektorlari tomonidan aniqlandi.

Ulardan o‘yinda foydalangan 36 dona qarta va pullar xolislar ishtirokida hujjatlashtirib olindi.

Holat yuzasidan tergovga qadar tekshiruv harakatlari olib borilmoqda.