Nahotki! Arktika muzliklarining erishi "qora o‘lim"ning tarqalishiga olib keladi

Mutaxassislarning fikriga ko‘ra, Arktika muzliklarining erishi "qora o‘lim" (minglab yillar davomida muzliklar ichida yashirinib kelgan eng dahshatli virus)ning tarqalishiga olib keladi. Xususan, shimoliy kenglikda yashovchi odamlar eng ko‘p xavf ostidagilardan.

“Daily Star” axborotiga ko‘ra, virus mikroblarni qit’alarga tarqatadi. Aynan bugungidek haroratning sezilarli darajada oshishi 14 asrda vabo epidemiyasiga olib kelgan edi.

Oksford universiteti olimi Piter Frankopan muzning bunday faol erib borayotganidan tashvishda. Uning ta’kidlashicha, holat shu tarzda davom etadigan bo‘lsa, odamzot o‘latdan ko‘ra dahshatliroq xavfga duch kelishi muqarrar.