Ilon Maskning sobiq rafiqasi uning muvaffaqiyat siri haqida gapirdi

Amerikalik milliarder Ilon Mask bilan sakkiz yil turmush qurgan Jastin Mask qanday qilib muvaffaqiyatli va boy bo‘lish, shuningdek, “ko‘pchilikni sindirishi” mumkin bo‘lgan stress va muvaffaqiyatsizliklarni samarali yengish haqida maslahat berdi, deb yozadi Forbes.

Uning fikricha, Bill Geyts, Stiv Jobs va Ilon Mask kabi shaxslarga o‘xshash uchun ekstremal va haddan ortiq o‘z ishiga berilgan bo‘lish kerak.

“Haddan tashqari muvaffaqiyat ekstremal shaxsiyat natijasidir va boshqa ko‘p narsalar evaziga keladi... Boy, muvaffaqiyatli va ajoyib hayot tarziga ega bo‘lish uchun ... o‘z ishiga berilgan bo‘lish zarur”, — dedi Jastin Mask.

Shuningdek, u odam o‘zligini saqlab qolishi muhimligini aytdi.

“Bular o‘zlarining noyob kuchli tomonlarini ishlatadigan jasur tasavvurga ega odamlardir ... Ular zaif tomonlarini berkitib, qo‘shimcha kuchli tomonlarini maksimal ishlatadilar ... Ular hech qanday iste’dodga ega bo‘lmagan sohalarda ustun bo‘lgan odamlar bilan hamkorlik qilishga intilishadi”, deya qo‘shimcha qildi Jastin Mask.

Va eng muhimi, stress va muvaffaqiyatsizlik haqida gap ketganda, Ilon Mask ularning oldini olish yoki kamaytirish haqida emas, balki ularni qayta ko‘rib chiqishga harakat qilishini aytdi.

“Siz hal qilish bilan band bo‘lgan katta, jiddiy, murakkab muammo o‘zini namoyon qila boshlamaguncha o‘z g‘oyalaringizga ergashing... Muvaffaqiyatsizlikdan qo‘rqmang, doimo oldinga intiling”, — dedi Jastin Mask.