Farmasevtika faoliyatini lisenziyalovchi organ o‘zgardi
Hukumatning ayrim qarorlariga o‘zgartirish va qo‘shimchalar kiritildi, deb xabar qilmoqda Adliya vazirligi.
Kiritilgan o‘zgartirishlar muvofiq, bundan buyon Sog‘liqni saqlash vazirligi huzuridagi Farmasevtika tarmog‘ini rivojlantirish agentligi farmasevtika faoliyatini lisenziyalovchi organ (avval Sog‘liqni saqlash vazirligi) hisoblanadi.
Shuningdek, dori vositalarini va tibbiy buyumlarni ishlab chiqaruvchi va ulgurji realizasiya qiluvchilar ustidan nazorat ham mazkur agentlik tomonidan amalga oshiriladi.
Endilikda:
- dori vositalari ishlab chiqarishga beriladigan lisenziyada dori vositasi turi ham ko‘rsatiladi;
- lisenziya talabgori farmasevtika mahsulotlari nazorat qilish va hisobga olishning axborot tizimiga ulanishi hamda lisenziyalovchi organga har oyning beshinchi kunidan kechiktirmay o‘tgan oy uchun ma’lumotlar taqdim etishi lozim.
Manba: zamin. uz