EOIIda migrasiya siyosatini qayta ko‘rib chiqish rejalashtirilmagan – Rossiya TIV

“Har qanday muhojir beshta davlatning butun hududida o‘zini bir xil his qilishi mumkin”, - dedi Rossiya tashqi ishlar vaziri o‘rinbosari Aleksandr Pankin “Mejdunarodnaya jizn” jurnaliga bergan intervyusida.

Unga ko‘ra, Yevroosiyo ittifoqi makonida 4 ta harakat erkinligi - tovarlar, xizmatlar, odamlar va kapitalni ta’minlaydigan yagona bozor mavjud.

“Lekin, xavfsizlik tushunchasi bor va har bir davlat uni o‘ziga xos tarzda ta’minlaydi. Mehnat muhojirlari harakati ustidan nazoratni kuchaytirish YEOII hujjatlari va milliy qonunchilikka zid emas”, - deya qo‘shimcha qildi Pankin.