Ruslar Ukrainaning muhim shahrini suv va gazsiz qoldirdi
Ukraina sharqidagi muhim shahar Pokrovsk ichimlik suvi, shuningdek, ovqat tayyorlash va isitish uchun tabiiy gazdan mahrum bo‘ldi, deydi rasmiylar.
Donetsk viloyati gubernatori Vadim Filashkinning aytishicha, Pokrovskdagi suv filtrlash stansiyasi so‘nggi janglarda shikastlangan va 300 dan ortiq shoshilinch burg‘ulangan suv quduqlari shaharning oxirgi ichimlik suvi manbai hisoblanadi.
Bir kun avval rossiyaliklar Pokrovsk yaqinidagi tabiiy gaz taqsimlash stansiyasini vayron qilgan, dedi Filashkin. Shaharda 18 mingga yaqin odam qolmoqda, ulardan 522 nafari bolalar.
Filashkinning aytishicha, Rossiya kuchlari aholi turar joylariga yaqinlashgani uchun so‘nggi olti hafta ichida 20 mingdan ortiq odam chiqib ketgan.
"Evakuasiya tinch aholi uchun yagona tanlovdir", - deya qo‘shimcha qildi u.
Pokrovsk Ukrainaning asosiy mudofaa istehkomlaridan biri va 1000 kilometrlik (600 milya) front chizig‘ining bir qismida joylashgan Donetsk viloyatidagi asosiy logistika markazidir.
