Dunyo bo‘yicha eng ko‘p daromad topgan sohibjamol aniqlandi

Forbes jurnali dunyoda eng ko‘p daromad qilgan mashhurlar reytingini tuzdi. Ro‘yxatni 590 million dollar ishlab topgan model Kayli Jenner boshqarib turibdi.

Nashrning ta’kidlashicha, Jenner o‘z daromadining katta qismini kosmetika kompaniyasining 51 foizini sotishdan olgan.

Reytingning ikkinchi pog‘onasini 170 million dollar ishlab topgan amerikalik Kanye Uest, uchinchi o‘rinni 106,3 million dollar bilan tennischi Rojer Federer egallab turibdi.

Umuman olganda, reyting ishtirokchilari jami 6,1 milliard dollar ishlab topishdi, bu 2019 yilga nisbatan 200 million dollarga kam.