Kuba Xitoy fuqarolari uchun viza rejimini bekor qilishga qaror qildi

Kuba bir tomonlama tartibda oddiy pasportga ega Xitoy fuqarolari uchun kunlik viza rejimini bekor qilishga qaror qildi.

Bu haqda Kuba turizm vaziri Xuan Karlos Garsiya Granda Kubaning Kayo-Koko orolida o‘tkazilgan xalqaro sayyohlik yarmarkasining yopilishida so‘zlagan nutqida ma’lum qildi.

“Xitoy bilan savdo-iqtisodiy aloqalarni, xususan, turizmni rivojlantirishga qaratilgan sa’y-harakatlarni hisobga olib, mamlakatimizning oddiy pasportga ega bo‘lgan Xitoy fuqarolari uchun viza talablarini bekor qilishni ma’qullash haqidagi qarorini mamnuniyat bilan e’lon qilaman”, — dedi vazir.