AQShning Rossiyadagi elchixonasi zaharlanishning oldini olish uchun suv sifatini tekshirmoqda

AQShning Rossiyadagi elchixonasi diplomatik vakolatxona hududiga kiradigan suv sifatidan xavotirda.

Xabar qilinishicha, elchixona diplomatik vakolatxona hududiga kiradigan suv sifatini baholashni buyurgan.

“Bu Amerikaning «fdps.gov» davlat xaridlari portali ma’lumotlaridan ma’lum bo‘ldi”, — deyiladi xabarda.

Qayd etilishicha, 9 000 AQSh dollari miqdoridagi tender e’lonnomasi 2024 yil 8 aprel sanasiga to‘g‘ri keladi. Xaridlar bazasiga ko‘ra, bunday laboratoriya ishlari Moskvada birinchi marta o‘tkazilmoqda. Nashrining ta’kidlashicha, suv sifatini baholash bo‘yicha buyurtma Amerika matbuotida «Gavana sindromi»ni Rossiya razvedkasi bilan bog‘lash fonida berilgan. Kreml bu ayblovlarni asossiz deb atadi.