AQSh Xitoyga Rossiyaga yordamning oqibatlari haqida so‘zlab beradi
AQSh Savdo vazirining Xitoy va Mo‘g‘uliston bo‘yicha yordamchisi Skott Shou savdo masalalari va Rossiya bilan hamkorlik tufayli mumkin bo‘lgan sanksiyalarni muhokama qilish uchun kelasi hafta Gonkong va Pekinga tashrif buyuradi. Bu haqda South China Morning Post nashri xabar berdi.
Nashrning ikki suhbatdoshiga ko‘ra, bu safar Amerika ma’muriyatining yuqori martabali vakilining noyabr oyida bo‘lib o‘tadigan AQSh prezidentlik saylovlari oldidan so‘nggi tashrifi bo‘lishi mumkin.
Manbalarning ta’kidlashicha, Gonkongdagi uchrashuvlar chog‘ida Shou Rossiya Federasiyasiga sanksiyalarni chetlab o‘tishda yordam bermaslikka chaqirish niyatida.
South China Morning Post ta’kidlaganidek, iyun oyida 20 dan ortiq Gonkong kompaniyalari va unga aloqador shaxslar Rossiya bilan hamkorlik qilganlikda ayblanib, AQShning sanksiyalar ro‘yxatiga kiritilgan. Ikkinchi manbaning ta’kidlashicha, Gonkongdan keyin Shou Pekinga boradi va u yerda Xitoy hukumatiga «turli masalalar bo‘yicha AQSh pozisiyasini» bayon qiladi.
