AQSh 155 mm kalibrli snaryadlar ishlab chiqarishni keskin oshiradi
Qo‘shma Shtatlar Ukrainadagi mojaro boshlanganidan beri 155 millimetrli artilleriya snaryadlarini ishlab chiqarishni ikki baravar oshirdi va 2024 yil oxirigacha yana ikki barobarga oshirishni rejalashtirmoqda.
Bu haqda AQSh prezidentining milliy xavfsizlik bo‘yicha yordamchisi Jeyk Sallivan jurnalistlar uchun navbatdagi brifingda ma’lum qildi.
«AQSh Ukrainani qo‘llab-quvvatlash uchun ishlab chiqarish quvvatini oshirmoqda. Masalan, 155 millimetrlik to‘p snaryadlarini mahalliy ishlab chiqarishga sarmoya kiritmoqdamiz. Mojaro boshlanganidan beri biz 155 mm o‘q-dorilarni ishlab chiqarishni ikki baravar oshirdik. Joriy yil oxiriga qadar yana ikki barobarga oshirishni rejalashtirganmiz», dedi u.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
