Ana xolos! Turkmaniston Prezidenti harbiylarga murabbo pishirishni buyurdi

Turkmaniston rahbari Gurbanguli Berdimuhamedov harbiy va huquq-tartibot idoralariga meva yetishtirish va murabbo pishirishni buyurdi.

Prezident xavfsizlik xodimlari bilan uchrashdi va huquqni muhofaza qilish organlariga bo‘ysunadigan iqtisodiy infratuzilmalar qanday rivojlanayotgani bilan tanishdi, deb yozadi "Oltin asr".

Uchrashuv chog‘ida unga harbiy va xavfsizlik kuchlari o‘z ixtiyorida bo‘lgan yerlarda mevali daraxtlar va sabzavotlar yetishtirayotgani haqida xabar berilgan. Shu maqsadda ularga maxsus tajriba namunalari namoyish etildi. Bundan tashqari, xavfsizlik kuchlariga murabbo pishirish buyurilgan. Prezident ularga mevalar va behi murabbosining foydalari haqida gapirib bergan.

Turkmaniston rahbarining ta’kidlashicha, o‘sayotgan daraxtlar yosh askarlarni tarbiyalashda katta ahamiyatga ega bo‘ladi.

Eslatib o‘tamiz, avvalroq Turkmaniston prezidenti ota-onasi uyidan koronavirusni yuqtirmaslik uchun ketgani haqida xabar berilgan edi. Uning yangi vaqtinchalik uyi - Minish qishlog‘ida. OAV yozganidek, ular uni yaqinda qurishdi va prezident u yerga borishga qaror qilgan. U bilan birga oshpazlar, qo‘riqchilar va xizmatkorlar yashash joyiga ko‘chib o‘tgan edi.