Ana xolos! Taniqli bokschi karantin vaqtida xotinni qanday do‘pposlash kerakligini o‘rgatdi

Britaniyalik professional bokschi Billi Jo Saunders karantin paytida xotinlarni qanday qilib to‘g‘ri urish kerakligini ko‘rsatadigan kulgili video darslikni tvitterdagi sahifasiga joylashtirdi. U videoni keyin o‘chirdi, ammo jurnalist Maykl Morgan shu videoni o‘z tvitteriga joylashtirgan.

Videoda 30 yoshli Saunders boks qopida zarbalarni amalga oshirmoqda. Sportchi olti yoki yetti kunlik karantindan keyin turmush o‘rtog‘ini qanday do‘pposlash kerakligi haqida gapirgan.

Morgan britaniyalik sportchining harakatini qoraladi. Saunders esa video uchun uzr so‘radi va oiladagi zo‘ravonlikka toqat qilolmasligini ta’kidladi.