O‘zbekiston MTJ 15 noyabr kuni Gruziya bilan o‘ynaydi

OFK kalendariga muvofiq, 8-16 noyabr Osiyoda milliy terma jamoalari uchun FIFA kunlari bo‘lib o‘tadi.

O‘zbekiston milliy terma jamoasi ushbu muddat mobaynida dastlab Toshkent shahrida, keyinchalik esa Gruziya poytaxti Tbilisida o‘quv-mashg‘ulot yig‘ini o‘tkazadi.

Ushbu yig‘in davomida vakillarimiz Gruziya milliy terma jamoasi bilan o‘rtoqlik uchrashuvida maydonga tushadi. Mazkur bahs 15 noyabr kuni 19:00 da Tbilisi shahridagi “Boris Paichadze” stadionida bo‘lib o‘tadi", - deb yozadi O‘FA matbuot xizmati.

Eslatib o‘tamiz, ayni paytda Gruziya terma jamoasini sobiq mashhur fransiyalik futbolchi Villi Sanyol boshqarmoqda.