O‘zbek ayollari Moskvada tug‘ib tashlab ketgan chaqaloqlar yurtimizga olib kelindi (video)

Toshkent shahar ichki ishlar bosh boshqarmasining voyaga yetmaganlarga ijtimoiy-huquqiy yordam ko‘rsatish markazi xodimlari Moskva shahridagi tug‘ruqxonadan O‘zbekiston fuqarosi bo‘lgan uch go‘dakni yurtimizga olib keldi. O‘zbekiston 24 kanali lavhasida xabar qilinishicha, ota-onasi chaqaloqlardan tug‘ruqxonaning o‘zida voz kechgan.

Ichki ishlar bosh boshqarmasi xabariga ko‘ra, O‘zbekiston fuqarolari tomonidan xorijda bolalaridan voz kechish holatlari uchrab turadi. 2018 yil yakunlariga ko‘ra IIBB voyaga yetmaganlarga ijtimoiy-huquqiy yordam ko‘rsatish markaziga ota-onasi voz kechgan 45 nafar bolalar MDH davlatlaridan olib kelingan.