Tojikistonda shov-shuvli hibsga olishlar ro‘y berdi

Tojikiston bosh prokurori Yusuf Rahmon respublikaning sobiq tashqi ishlar vaziri 75 yoshli Hamrohon Zarifi, shuningdek, 1991-1992 yillarda prezident vazifasini bajaruvchi lavozimda ishlagan, Oliy kengashning sobiq rahbari 73 yoshli Akbarsho Iskandarovga va boshqa siyosatchilarga nisbatan jinoiy ishlar qo‘zg‘atilganini tasdiqladi.

U boshqa tafsilotlarni keltirmadi, faqat «kim millatga, mamlakat prezidentiga xiyonat qilsa, qaysi lavozimda ishlagani yoki egallab turganidan qat’i nazar, qonun oldida javob berishiga» ishora qilgan.