Tezkor! Toshkent davlat yuridik universiteti qoshidagi akademik liseyga hujjat topshirgan abituriyentlar diqqatiga!
Oldin xabar berganimizdek, 2020/2021 o‘quv yilida Toshkent davlat yuridik universiteti qoshidagi akademik liseyiga o‘qishga kirish uchun o‘tkaziladigan test sinovlari 18 sentyabr kuni 2 smenada (1-smena 8:00dan 11:00 ga, 2-smena 16:00 dan 19:00 ga qadar) Olmazor tumani, Talabalar shaharchasi sayilgohida bo‘lib o‘tishi kerak edi.
Biroq, Toshkent shahrida 18 sentyabr kuni yomg‘ir yog‘ishi kutilayotganligi sababli, test sinovlari 20 sentyabr kuniga ko‘chirildi. Test sinovlari faqat 1 smenada bo‘lib o‘tadi, soat 9.00 da boshlanadi.
Eslatib o‘tamiz, abituriyentlar test sinovlariga belgilangan vaqtdan kamida 1 soat oldin yetib kelishlari kerak.
Test sinovlariga kirish faqat bir joydan ("Beruniy" metro oldidan) amalga oshiriladi.
Barcha abituriyentlarga test sinovlaridan muvaffaqiyatli o‘tishlarida omad tilaymiz!