Tezkor! Chinoz neft mahsulotlari bazasida yong‘in chiqdi (FOTO)

Favqulodda vaziyatlar vazirligi matbuot xizmatining tarqatgan xabarlariga ko‘ra, taxminan soat 12:00 dan keyin Chinoz tumanidagi neft mahsulotlari bazasida 5 ming tonna sig‘imli yoqilg‘i sisternasi yonib ketgan.

Bir necha daqiqada yong‘in sodir bo‘lgan joyga Toshkent viloyati Favqulodda vaziyatlar boshqarmasining 14 ta o‘t o‘chirish va qutqaruv brigadalari safarbar qilindi. Vaziyat Favqulodda vaziyatlar vazirligining to‘liq nazorati ostida. Qutqaruvchilarning so‘zlariga ko‘ra, yong‘inni to‘liq o‘chirish uchun taxminan 1 soat vaqt ketdi. Ushbu soatda qurbonlar haqida ma’lumot olinmagan.