Shavkat Mirziyoyev Qoraqalpog‘istonda “hokim yordamchisi” lavozimi joriy etilishini ma’lum qildi

Shavkat Mirziyoyev Qoraqalpog‘istonning 422 ta mahallasida “hokim yordamchisi” lavozimi joriy etilishini ma’lum qildi.

Ular mahallada tadbirkorlarning loyihalariga yordam beradi, kasb-hunarga o‘qitish, tomorqa, bo‘sh yer va binolardan unumli foydalanishni tashkil etadi. Bu orqali yangi ish o‘rinlari yaratish, jon boshiga daromadni oshirish va kambag‘allikni qisqartirishga mas’ul bo‘ladi.

Hokim yordamchilari qo‘lida o‘zining byudjeti bo‘ladi, mahallaga biriktirilgan soliq, bank, yo‘l va boshqa idoralar xodimlari bilan birga ishlaydi.