Rossiya Yaponiyani harbiy mashg‘ulotlar bilan bog‘liq qarshi choralar haqida ogohlantirdi
Rossiya Yaponiyaga Rossiya chegaralari yaqinida harbiy mashg‘ulotlar o‘tkazish rejalariga norozilik bildirdi va mudofaa qobiliyatini mustahkamlash uchun tegishli choralar ko‘rish haqida ogohlantirdi.
Bu haqda Rossiya TIV xabarida aytiladi.
«28 iyun kuni Yaponiya rasmiylarining 19 iyuldan 25 iyulgacha Germaniya va Ispaniya bilan orolda bir qator qo‘shma harbiy mashg‘ulotlar o‘tkazish rejalari munosabati bilan Rossiyadagi Yaponiya elchixonasiga keskin norozilik bildirildi. Xokkaydo Rossiya Federasiyasi chegaralariga yaqin joylashgan», — deyiladi vazirlik xabarida.
«Biz bosh vazir Fumio Kisida ma’muriyatining mas’uliyatsiz siyosati Tokioni Shimoli-Sharqiy Osiyo va umuman Osiyo-Tinch okeani mintaqasidagi keskinlikning xavfli kuchayishi yo‘liga solib qo‘yganini ta’kidladik», — dedi Rossiya TIV. «Biz Rossiya Federasiyasining mudofaa qobiliyatini mustahkamlash va suverenitetini himoya qilish uchun tegishli qarshi choralar haqida ogohlantirdik.»
Yaponiya tomoni «Rossiyaning Uzoq Sharq chegaralari yaqinida, shu jumladan NATOga a’zo bo‘lmagan mintaqaviy davlatlar bilan hamkorlikda amalga oshirilgan provokasion harbiy harakatlarga qat’iyan yo‘l qo‘yib bo‘lmasligi» ta’kidlandi. «Biz bunday faoliyatni Rossiya Federasiyasi xavfsizligiga potensial tahdid deb bilamiz», — deyiladi Rossiya TIV bayonotida.
Yaponiya havo o‘zini-o‘zi mudofaa kuchlari iyul oyida Fransiya, Germaniya va Ispaniya harbiy-havo kuchlari bilan alohida mashg‘ulotlar o‘tkazishni rejalashtirmoqda.
