Rossiya G‘arbni qo‘rqitmoqchi

Moskva «qizil chiziqlar mavzusini chetga surib qo‘yadi» va «yadroviy tahdidlar masalasida G‘arbga ko‘zgudek javob beradi». Bu haqda Rossiya Tashqi ishlar vaziri o‘rinbosari Sergey Ryabkov ma’lum qildi.

Uning so‘zlariga ko‘ra, G‘arbda Rossiyaga nisbatan «Moskva ma’lum bir vaziyatda NATO nima qilishini bilmasligi uchun» strategik noaniqlik ko‘rsatish kerak, deb o‘ylash modaga aylandi.

"Ammo bu noaniqlik har doim G‘arb guruhining doktrinal yondashuvlariga, shu jumladan yadroviy qurolga oid mavzularga xos bo‘lgan”, - dedi Ryabkov.