OpenAI o‘zining qidiruv tizimini e’lon qildi

OpenAI o‘zining ChatGPT-ga integrasiyalangan yangi qidiruv tizimini taqdim etdi va bu ma’lumot qidirishning inqilobiy usuli ekanligini aytdi.

Yangi qidiruv tizimi eng yaxshi javobni tezda taqdim etish uchun mavzu bo‘yicha barcha mavjud manbalarni tekshiradi.

Press-relizda ta’kidlanganidek, SearchGPT sinov versiyasi bo‘lib, «sun’iy intellekt modellarimiz kuchini internetdagi ma’lumotlar bilan birlashtirgan yangi qidiruv funksiyalarining prototipi», deb yozadi Meduza.

The Verge SearchGPT ning ishlash printsipini tavsiflaydi: tizim so‘rov bo‘yicha shunchaki havolalar to‘plamini taqdim etmaydi, balki ularni tartibga soladi va tushunadi. Foydalanuvchilar natijalarni olganlarida, ChatGPT chatbotiga o‘xshash keyingi savollarni berishlari mumkin.

Ishga tushirish vaqtida SearchGPT prototipi faqat birinchi o‘n ming foydalanuvchi uchun sinovdan o‘tkazilishi mumkin. Kelajakda kompaniya qidiruv funksiyalarini ChatGPT-ga integrasiya qilishni rejalashtirmoqda.

SearchGPTning rivojlanishi OpenAIni Google bilan to‘g‘ridan-to‘g‘ri raqobatga olib keladi, u ham o‘zining qidiruv tizimiga sun’iy intellekt funksiyalarini faol kiritmoqda, deya qayd etadi The Verge.