Rossiya Federasiyasida o‘zbekistonlik erkak zo‘rlashda ayblanib, 18 yilga qamaldi
Karachay-Cherkesiyada O‘zbekiston fuqarosi qizni zo‘rlagani uchun 18 yilga qamaldi, deb yozmoqda “Moskovskiy komsomoles”.
Voqea 2023 yil iyun oyida sodir bo‘lgan. 45 yoshli o‘zbekistonlik internetdan ishga joylashish haqidagi e’lon topgan. U qizga qo‘ng‘iroq qilib, suhbatga taklif etib, mehmonxona ma’muri sifatida ishlashni taklif qilgan.
Qiz u ko‘rsatgan manzilga yetib kelgan. Shundan so‘ng, erkak uni mehmonxona hududini o‘rganish bahonasida o‘rmonga olib kirib u yerda qizni zo‘rlagan. Tekshiruv davomida O‘zbekiston fuqarosi avval ham xuddi shunday jinoyat sodir etgani uchun jinoiy javobgarlikka tortilgani ma’lum bo‘lgan.
Sud erkakni aybdor deb topib, 18 yilga ozodlikdan mahrum qildi, u jazoni maxsus rejimli koloniyada o‘taydi.