Rasmiy Tehron: Eron G‘arb bilan munosabatlarni tiklashga tayyor

Tehron G‘arb bilan munosabatlarni tiklashga tayyor, biroq G‘arb munosabatlarni yaxshilash uchun navbatdagi qadamni qo‘yishi kerak. Bu haqda Eron tashqi ishlar vaziri vazifasini bajaruvchi Ali Bagheri Keni ma’lum qildi, deb yozadi «Report» TASS agentligiga tayanib.

«Biz buning vaqti kelganiga ishonamiz. Navbat ikkinchi tomonning o‘zaro faoliyatni boshlashi va munosabatlarda yangi sahifa ochish bo‘yicha samimiy niyatlarini isbotlashdir», dedi siyosatchi «Newsweak» jurnaliga bergan intervyusida.