Qashqadaryoda ilk bor xalqaro havo sharlari festivali o‘tkaziladi

Qashqadaryo viloyatining Shahrisabz va Kitob tumanlarida O‘zbekistonda ilk bor xalqaro miqyosda havo sharlari festivali o‘tkaziladi. Aeronavtika federasiyasi Turizmni rivojlantirish qo‘mitasiga mazkur taklifni bildirgan. Bu haqda OAV vakillari va turoperatorlar uchun tashkil etilgan info-tur davomida ma’lum qilindi.

So‘nggi yillarda Aeronavtika federasiyasi respublikamizning diqqatga sazovor joylarida sayyohlar uchun havo sharlarida unutilmas sayohatlarni tashkillashtirib kelmoqda.

Xalqaro tadbir 26 aprel sanasiga mo‘ljallangan. Kelgusida mazkur festivalni har yili o‘tkazish rejalashtirilmoqda.

Manba: uz24. uz