Noqonuniy ravishda kesilgan daraxtlar uchun jarima ikki baravar oshirildi
O‘rmon va daraxtlarga zarar yetkazish va ularni kesish, ekinlarni yo‘q qilish uchun jarimalar miqdori 50-100 BHM dan 100-150 BHM gacha oshirildi.
Shuningdek, yuridik shaxslarga qarashli yoki biriktirilgan hududlarda daraxtlarni muhofaza qilish va asrab-avaylash choralari ko‘rilmaganligi uchun javobgarlik joriy etildi.
Bu haqda prezident tomonidan 3 dekabrda imzolangan qonun hujjatlariga o‘zgartish va qo‘shimchalar kiritish to‘g‘risidagi qonunda nazarda tutilgan.
Unga ko‘ra, 4 dekabrdan boshlab, yong‘inga ehtiyotsizlik bilan munosabatda bo‘lish natijasida katta miqdorda zarar keltiradigan ekologik qoidabuzarliklar uchun 50 dan 100 BHM gacha jarima yoki 240 soatgacha majburiy jamoat ishlari yoki 1 yilgacha axloq tuzatish ishlariga jalb qilinishi mumkin.